Shilajit aik bohot Qadeem qudrti mada hai jo qadeem dawayion mein khoob istemal hoti rahi hai. Yeh asal mein paharon ki chatano se nikalne wala ek les’daar maadah hai, khas tor per Himalaya jese buland pahari silsilon mein milta hai. Log ise kai bimariyon ke ilaj ke liye istemal karte hain, aur iska doosra naam ‘Salahjat’ bhi hai.

Yeh cheez bari qeemti mani jati hai kyun ke is mein bohat ziada zaroori minerals aur vitamins paye jate hain. Shilajit ko log jism mein taqat lane, energy barhane aur quwwat-e-mudafiat (immune system) ko behtar karne ke liye istemal karte hain.

Magar salajit istemal karne se pehle kuch zaroori baaton ka khayal rakhna chahiye. Sab se ahem baat yeh hai ke hamesha asli aur khalis salajeet hi istemal karen. Kyun ke milawat wali cheez se woh faida nahi milta jo asli se milta hai.

es k elawa , agar aapko kisi bhi cheez se allergy hai, to slajet istemal karne se perhaiz karen. Aur agar aap pehle se koi dawai le rahe hain ya koi ilaj chal raha hai, to apne doctor se zaroor pooch len.

Waise to yeh capsules aur powder ki shakal mein bhi milta hai, lekin iska asal zaiqa karwa or kharab hota hai. Log aksar ise apni sehat sudharne ke liye qudrati tareeqe se hi istemal karna pasand karte hain.